شاطر
استعرض الموضوع السابقاذهب الى الأسفلاستعرض الموضوع التالي

دكتور السيد عثمان السيد....اديني خاطرك

avatar
بصمة خالدة
الجنس : ذكر

الاسد

عدد المساهمات : 23062

نقاط النشاط : 26540

السٌّمعَة : 90

بلد العضو :

العمر : 37

معاينة صفحة البيانات الشخصي للعضوhttps://www.ibda3araby.com/
تمت المشاركة في الأحد أغسطس 21, 2016 8:49 am
قصيدة ادينى خاطرك


أديني خاطرك..
داير أفوت...
خلَينا أخوان..والسلام...
قبال نفوت حد السكوت...
والكان معلق في العيون..
يدخلنا في الحي..والمسام..
......................
انا وانتي بينا فرق كبير..
بلدين..
وأرضين..
وألف عام..
بلداٌ هنا..وبلداٌ هناك...
أرضاً هنا..وأرضاً هناك
وأعوام يطول فيها الكلام..
يمكن عشان أمك وأبوك...
يوم كنتي في العينين هوي
ولا زلتي في الخاطر غرام...
شالوكي ريد ما عندو حد..
ختوك مودَه واحترام...
قبال تكوني انسان..وروح..
سووك بطاقات من مُني
في كل عام عيدك يلوح
ميلاد..وأعياد راس سنه
رسموكي في العينين طموح..
أكبر من الأحزان هنا..
يا بت طواك ترف المدن..
أطويني بي حُزني العميق
وارميني للناس في الزحام...
خلينا أخوان والسلام
أنا يا ..هواي..
ميلادي ما معروف متين..
أو ياتو عام..
مرَات يقولو زمن حصاد
مرَات يقولو زمن تساب..
حبوبتي تحلف..بي خرز سبحاتا ..
والبيت الحرام..
كان في شتي.
وكان الجرف عنجر سنه
ويادابو راس الفول..مرق..
شقَق ملا البلدات..وقام
وأنا ود بلد...
..........
ولدوني مليان راسي شيب..
الغم يفوت بي فوقو غم
.......
الدمعه كان خذلتنا..عيب
تهتك عروضنا وتبقي..دم
.............
الضحكه في دنيانا غيب..
بين المجابده..والالم
..........
حتَي ان بقت..في يوم صفت...
الضحكه تبقي هي زاتا هم..
أحسن ندسها في السكوت..
ظن السكوت المن دهب..
ما طالا حِسَك كان طلع..
حِسَك يشيلنَو البيوت..
قلة حياء .. وعدم احترام..
خلَينا أخوان والسلام..
دنياكي أطهر..
من شقي عمري وعذاباتي..وهواي..
عينيكي أطيب..
من تشيل وجعي..وبكاي..
تاريخي أسود من سواد حظي..
ومعنون في ظروف الدنيا..
انسان من حطام...
تعشق...حرام
تضحك...حرام
تحزن...حرام
مكتوب عليك...
تدفن أحاسيسك...براك
وتشَيع أحزانك...براك
في مقبرة ليل البلد
أكبر مقابر الدنيا دي
الريح تولول..
في جريد تمراً.. ندي
صوت الدباس..فوق البيوت
زي بيت بكا
والدنيا تغرق..
في نواح القمري..وأبراج الحمام..
في سرًَي أضحك..اذا انتشيت
في سرًَي أبكي..اذا بكيت
وأنا من سنين..
ما جيت قدام زول ومن جواي
حكيت...
كان سرَي...مبهم
ودافنو في أشعاري بيت
بيت لو مرق..
يكتر كلام الحلَه..والناس..والملام
خلينا أخوان والسلام..
أنا من وسط ناساً رهاف...
عايشين علي هامش الحياه
الخوف...وستر الحال..
وفي طرف الكفاف..
نبلع مراراتنا..
ونقيم..
الخمسه صلوات في المسيد
برد الصباح يدخل ضفور أعصابنا
يغلبنا الوقاف..
نتوضَا فوق جدول قديم
حفروهو يوم حفرو البحر
داخرنَو للصي والجفاف..
نحنا وبهايم الحلَه..والبل والطيور..
نشرب سوا..
وننوم سوا...
ونصحي الصباح..
مارقين علي الارزاق.. خفاف..
رزقاً يجي..ورزقاً يفوت..
كان الحميدي محل نمش
ما طالا رزقاً بالحلال..
ما سُقنا في يوم .. بالحرام..
خلَينا أخوان .. والسلام
أنا ود بلد
نعلاتي..كان الواطه..والحفا..والهجير
عرَاقي للمويات..وجلابيه..تمرق..
في صلاة الجمعه..والاعراس
وفي العيد الكبير..
والدنيا زاتا كما أظن..
كان تبدأ من القيف..
وتنتهي.. في طرف جبَانه بي فوق..والسلام
,,,,,,,,,,,,,,,,,,,,
وأنا بيني بينك سكَه..ما سكَة وصول..
والبيني بينك..
يطوي ليل بيَوضه في جوفو..ويطول
عرب الهواوير..
الرَبد...
قيزان..ورمَاضه..وسهول..
والبيني بينك...
ذكرى..كان مكتوبه..
في نار القهاوي..
ودمدمات الزيفه
في وادي النعام..
خلَينا أخوان .. والسلام
أنا راضي بي واقعي الفقُر...
وانا زي وتد..
زارعني في بلدي ومُتكَل بالصبُر
ما طالا آخرها كوم تراب..
ايه يعني لو كان في قبُر
مطمور .. تشوفو رهاب رهاب..
أو حتَي لو كان في قصُر
في قُبَه مبني من الرخام
بس الله لو مدَا العُمر
يمكن ألاقيك في الختام
وان مُت بلقالك عُذر
نتلاقي في باب السلام...
التوقــيـــــــــــــــــــــع

رد: دكتور السيد عثمان السيد....اديني خاطرك

avatar
عضو نشيط
الجنس : ذكر

عدد المساهمات : 455

نقاط النشاط : 457

السٌّمعَة : 3

بلد العضو :

معاينة صفحة البيانات الشخصي للعضوhttp://asama.lamuntada.com/
تمت المشاركة في الأحد أغسطس 21, 2016 11:28 am
شكرا لك من القلب على ابداعك المميز
خالص التقدير

رد: دكتور السيد عثمان السيد....اديني خاطرك

avatar
بصمة خالدة
الجنس : ذكر

الجدي

عدد المساهمات : 7566

نقاط النشاط : 8730

السٌّمعَة : 17

بلد العضو :

العمر : 19

معاينة صفحة البيانات الشخصي للعضو
تمت المشاركة في الإثنين أغسطس 22, 2016 12:43 pm
شكرا لك ..
التوقــيـــــــــــــــــــــع

رد: دكتور السيد عثمان السيد....اديني خاطرك

زائر
زائر
تمت المشاركة في الإثنين أغسطس 22, 2016 2:36 pm
يعطيك العافية على الموضوع دمت بخير

رد: دكتور السيد عثمان السيد....اديني خاطرك

زائر
زائر
تمت المشاركة في الإثنين أغسطس 22, 2016 3:01 pm
السلام عليكم ورحمة الله وبركاته
ألف شكر لكَ على هذا الموضوع المميز و المعلومات القيمة
إنـجاز أكثر رائــــــع
لكن أرجو منكَ عدم التوقف عند هذا الحد
مـنتظرين ابداعتــــــك
دمتـ ودام تألقـك

تحياتــي

رد: دكتور السيد عثمان السيد....اديني خاطرك

avatar
بصمة خالدة
الجنس : ذكر

الاسد

عدد المساهمات : 23062

نقاط النشاط : 26540

السٌّمعَة : 90

بلد العضو :

العمر : 37

معاينة صفحة البيانات الشخصي للعضوhttps://www.ibda3araby.com/
تمت المشاركة في الإثنين أغسطس 22, 2016 3:31 pm
يسعدني ويشرفني مروووووورك العطر
لك مني اجمل باقات الشكر والتقدير
التوقــيـــــــــــــــــــــع
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Propellerads                                                                           Propellerads