ابوذية اليوم كانت مساجله سريعه في…

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

ابوذية اليوم كانت مساجله سريعه في…

مُساهمة من طرف المحترف الذهبي في الثلاثاء فبراير 17, 2015 9:20 pm


تذكير بمساهمة فاتح الموضوع :

اليوم
كانت مساجله سريعه في اقل من ساعتين بالابوذيات المباشره
بيني وبين كوكبه من المبدعين
:::::
-
وياي المصايب كووم شلهه!
وبحرب الزمان الايد شلهه
ما ألها بسوالف ناس شلهه!
وانه اجروحي بجفوف المنيه
حسين ااالساعدي
=============
محمد المعمار
غير أحزان وكحه ماشلينه
عليها الجدم رايح ماشي لينه
لا كِلنه وتعبنه ماشلينه
نكلناها بألم سوگ وسبيه
المعمار مع تحياتي الشاعر حسين الساعدي
——–
الشاعر حسين الساعدي -
وبشلة زمانك شال ماشال
والشايل اهمومه ابد ما شال
همك والجرح وياك ما شال
دايس عالجرح فوك الاذيه
االساعدي
ررائع محمد المعمار
====================
الشاعر حسين الساعدي محمد المعمار تدلل الشاعر حسين الساعدي
يجيك محمد يهزهز بردنه
ابد لاتضن على ردك بردنه
يحسين الشعر سيفه بردنه
شطب ويرد عليك بكل سجيه
بقلمي الان -
—————-
الشاعر حسين الساعدي
ونطيك القلم بالسيف سله
وترسلك ورد بالشعر سله
أذاني الشعر والكلب سله
وابيات الهجر شمسويه بيه!
االساعدي
ررائع المعمار
=====================
محمد المعمار
دايس علجرح والعين بالعين
جرعنه علل كرامه اهموم بالعين
شفنه هواي وارده بسقم بألعن
مصايب حملن ضيم واذيه
المعمار وحياك الله الشاعر حسين الساعدي. -
———
الشاعر حسين الساعدي
شلك فززيت الجرح شلك
صاباك الزمان وحيل شلك
واللك ما تلوك اوياك شَلك؟
يتلكلك عليك ابن الرديه!
االساعدي
ررائع المعمار
=======================
مريم حسين
تباعدنه ولا نكدر وعدنه
نواعد وابد ما نخلف وعدنه
عدنه الطيبه والضحكه وعدنه
نبعات الوفه اليوم المنيه
————————-
الشاعر حسين الساعدي
يلما دافعيت ابيوم شر عن
دمعاتي ابخليج الضيم شرعاً
هجرانك تره ميجوز شرعاً
ما ابريلك اله اتمر عليه
االساعدي
ررائعه مريم
======================
جليل الغريب
وسفه ابشكوتك للغير شكيت
وبأخلاصي يبن الناس شكيت
نصين الكلب هاليوم شكيت
ما نرجع بعد نكعد سويه
الغريب
———–
الشاعر حسين الساعدي
وبغيمه الزمان اوياي ما صاح
يوم ابشوفت المحبوب ما صاح
شافاني فتت باالدرب ما صاخ
بسمي وهون اهمومي عليه
االساعدي
ررائع جليل الغريب
==========================
محسن فالح اللامي
عالراس النعزهم كلشلتهم
وگلت مادام يمك كلشلتهم
انة لو شفت صدك كلشلتهم
اتهمك واتهم حضي سوية
بقلمي
————
الشاعر حسين الساعدي
وديار البخل بالك تمنهم
جوعان وبقت روحي تمنهم
ما عزموني من صبو تمنهم
وحركو روحي بالسفره الزهيه
ااالساعدي
ررائع محسن اللامي
=======================
ابو احمد العراقي العراقي اكول لحسين الساعدي
خلص نص عمري آه والم نصه
وانه الما هان هامي والمنصه
تعرفني القوافي والمنصه
وعندي حسين درس اﻻبوذيه
——–
هليت وجمال الشعر هل بيك
حياك الكلب وبشوك هل بيك
هلبيك الكتابه اتلوك هل بيك
أبوذيات جنتهن ساعديه
االساعدي
ررائع ابو احمد
======================
محمد المعمار
رميم ومن سمعت الشعر حييت
مثل فرحة زيارة وطوف حجيت
شلت ايدي لب احمد بعد حييت
جليل ومريم ومحسن سويه
المعمار وحي الله
مريم حسين
جليل الغريب
محسن فالح اللامي
ابو احمد العراقي العراقي
7 دقيقة · إلغاء إعجابي · 4
——————-
الشاعر حسين الساعدي
اهلا بيك يمحمد والوياك
وشبيدي عله ضيمك ولو ياك
والضحكه والي كعده والي اوياك
جلمات الوفه البيهن حميه
االساعدي
ررائع المعمار
==================
محمد المعمار
يحسين البخت مايل شعدله
عبر واختلفت احسابي شعدله
طلبنه الگهوه من ايده شع ادلاه
شمس من اسدل الفنجان اليه
المعمار.
———–
الشاعر حسين الساعدي
روحك عالجروح اهواي شرها
ما نصفت ولا حففت شرها!
هاك ادموعي عالخدين شرها
ما نشفت تره وضلت نديه!
االساعدي
ررائع المعمار
===================
الشاعرمحمدهاشم الناصري
اريد اسئل زماني شله بينا..@
وعدنا هموم صارت شله بينا..@
الجرح المايفيدك شله بينا…@
وحط غيرة جرح يازمن بيه
.،……@……..@……..@….
-
الشاعر حسين الساعدي
شلكم وبحجي النمام شلكم!
فرقكم وبين الناس شلكم
هاي اجروح ما تنحسب شَلكم!
ماعدكم كبل هاكد أذيه!
االساعدي
ررائع محمد هاشم
====================
محمد المعمار
تدري الكعده بحضورك متنرد
مجاراتك تريد افضل متن راد
بلايه احسين اشعاري ماتنراد
اذا مالساعدي ايوقعها ليه
المعمار واني مشتاقلك گييييييك حيل
———-
الشاعر حسين الساعدي
انته الاصل للروعه ولالوان
لا نوح التصدالك ولا الوان
جفين الزمن عجزن ولا الوان
جفينك لأن كلك حميه
ااالسعدي
ررائع المعمار
=====================
عكاب جراح الفاران
علي دارت يبو الغيره وشله
ويميني العسر گصاه وشله
انت الي تخيطه وشله
لغيرك مايگدرش جيد نيه
عكاب الجراح
—————-
-
الشاعر حسين الساعدي
ذايب يا كلب بالقهر شملاك!
مهموم وقرار الضيم شملاك
ما ينجمع بالعافوك شملاك
وبقه ابونتك هاي الخفيه
االساعدي
ررائع عكاب الجراح
=======================
مريم حسين
متغير عليه اشبيك مابيك!
يا نبع المحنه ودغش مابيك
اموت وما أكولن يوم ما ابيك
أبيك ابكل صبح وبكل مسيه
مريم
———-
الشاعر حسين الساعدي
وجناحاتي ذني مالي بس تك
وصوجي إمنالبدايه ما لبستك
تلكيتك شجاني؟مالي بستك!
وصارت بوستك بلوه عليه
الساعدي
ررائعه مريم
==========================
محمد المعمار
انه بعيني الصگر بيته والعگاب
ولي النيران بفادي ولع گاب
ابن الساعدي منهم ولعگاب
اثر واضح تشوف فصوص بيه
عكاب جراح الفاران. حياك الله نورتني ونورت الكروب من رخصة الشاعر حسين الساعدي انضيفك
_______________
الشاعر حسين الساعدي
اهلا بالتضيفه وصار يمنه
واليسره ابخدمته انوب يمنه
وبشح الامان الضيف يمنه
وما يلكه ولا دكة رديه
االساعدي
رائع المعمار هعلا بيك وبكل التضيفهم
=============================
ابو احمد العراقي العراقي
نغم صوته ضماد اجروح بلسم
عزيز وجن اشوفه هﻻل بالسم
العسل منه لون مديوف بالسم
اجرعه ويشفي كل امراض بيه
————-
الشاعر حسين الساعدي
مدري اشلون ببعادي يسلكون
والفاركني من عدهم يسل كون
كون الأسئل اخباره يسال كون!
مره وبالجذب يسال عليه
االساعدي
ررائع ابو احمد
======================
محمد المعمار
اوعدك يلبعيد اعليك مأجور
الك نخدم صباح وليل مأجور
لا ردنه انعم الله اعليك مأجور
بس جلمة وعد لا دكها بيه
المعمار.
——————-
الشاعر حسين الساعدي
كلبي ابشوك المغربين وجره
ودمعي اتلاله بالعينين وجره
ثواب اليسعه للطيبات وجره
يم الله ويضاعفها الهديه
ااالساعدي
ررائع المعمار
=================
جليل الغريب
بفراكك عليل وزاد مرضاي
وبرض الضلوع وهان مرضاي
كونك تعتنيلي وردت مرضاي
ارضه ابجيتك وانسه الأذيه
————
الشاعر حسين الساعدي
ما ادري الاحبه اشراد وشكال
ما يدري ابصدوده ذنب واشكال
وعيوني التصب الوان وشكال
يالون التحب يجرن سويه
االساعدي
ررائع جليل الغريب
====================
طعمه حسن الموسوي
تفتت جرح دلالي وشل بيه
اوبياب العين ماباكي وشل بيه
زاد الحمل ياصاحب وشل بيه
كثر حملي اوكصت دنياي بيه
———–
الشاعر حسين الساعدي
شرهم عالحبل يا كلب شرهم
ما أرهم اويه الخانوك شَرهم؟
ما بيهم فرح ويزيد شرهم!
ربولَك جرح بس للأذيه!
االساعدي
ررائع اخي طعمه الموسوي
============================
محمد المعمار
عليك ادموع لسچبها لحنها
على خدودي طبع واثَر لحنها
بصبابة اخ من اعزف لحنها
طيور الغربه تبني اعشوش بيه
المعمار مع الود
——————————–
الشاعر حسين الساعدي
هاي اعيوني متغير شكلها
ذبلانه وحرت مدري شَكلها
بلليل الكلب يمكن شكه الها
وخلاها الصبح تنهد عليه!
االساعدي
ررائع المعمار
=======================
محسن فالح اللامي اهدائي لكل العمالقة
شجاريكم شگولن روعة كلكم
طعم ظل بلهاتي روعة اكلكم
الشعر صفگ وصيح روعة گلكم
واتمنة وياكم اضلن للمنية
بقلمي
——————
الشاعر حسين الساعدي
يا محسن الرائع وانته منه
يلتم كل شملنه ونتمنه
شوف الكلب صاير ونته منه
يون علما اجه ويسئل عليه
االساعدي
ررائع
=======================
محمد المعمار نعم
لچن يحسين ليش الما يردنه
نحبه ومن حسبهم ما جردنه
لا نگطه بوجهم مايه ردنه
اعتذر لو كال حكم هم عليه؟؟
المعمار واريد جواب قاطع هههههه
بس عادي خويه
—————————-
الشاعر حسين الساعدي
نتناشد عليكم مايه ردكم!
يفلان اليحبكم ما يردكم
وبثوب الشهامه ما يرَدكم
لايك بيكم اليوم المنيه
االساعدي
ررائع
=====================
محمد المعمار
وانه شسويت هوه مارداني
مرد روحي وحشاشي مارداني
طلبته وگتله ردني مارداني
اضن شايف يبوعليوي زويه
هههههه احسنت رد رائع بس بعدني ماخلصت منك
+++++++++=
الشاعر حسين الساعدي
و المن تنتظر مابعد رده
كونك ناشديت وطال رده!
بابك من يجيك انوب رده
وحسب هو والماكو سويه
االساعدي
=====================
محسن فالح اللامي
انة اتعناك واهديلك وردلك
اروح وگوة موبيدي وردلك
اذا واشي بخبر عني وردلك
انة اترجاك لا تزعل علية
بقلمي
—————-
الشاعر حسين الساعدي
يومي الواصل الأيام وَرده
طايح والكلب مطعون وارده
حسبالي تجي وتجيب ورده
ماظنيتك ادَاعي عليه
ااالساعدي
=======================
ابو احمد العراقي العراقي
ابو علي
صﻻتك كوم يالله بساع صلهه
وحبال الموده وياك صلهه
على العذال نارك حيل صلهه
وزل جامع اصول الساعديه
—————————-
الشاعر حسين الساعدي
صليت اشكثر ودعيت ربي
أبعد عالربا وميزيد رَبي
يبنادم ابهل طيبات ربي
وينفعنك ابيوم المنيه
االساعدي
============================
محمد سهيل الناصري
لون تدري بونيني اعليك … ياويـن
ناكه و الجبد بي صار… ياويـن
صرت عكبك شعير بحلك.ياويـن
تركـش كامت ام اعطوب بيه
#بقلمي
تحياتي يارائع
————————-
الشاعر حسين الساعدي
يفلان الجرح بهداي غطه
شايخ عالجروح وحيل غطه
ليش اتجمل الغركان غطه!
جايب شامت ادليه عليه
ااالساعدي
وحياك الله يا رائع
======================
محمد سهيل الناصري
ياكوسر مضيف وزود… شباه
عكبك جتفي شامت ردي… شباه
الزمن موكد هجر بالروح… شباه
وصفه المايسوه يدفه عليه
#بقلمي
—————————————-
الساعر حسين الساعدي
يمته احبابي يجَمع شملها
عشرتهم فلا تنمل شملها!
روحي التنتظر والهَم شملها
تريد الهاجروا كبل المنيه
االساعدي
=========================
الشاعر احمد الجبوري
بسهم مصيوب دلالي مع الطر
علي لعبة لعب كتبه مع الطر
اليعصر مستحاتي يشم معطر
بي ريحة افراكك عاط بيه
————————–
الشاعر حسين الساعدي
دربك ما يضيعك روح طره
وياك الفجر وتشوف طره
بالك تلجم الدلال طره!
راح ايذبك ابدرب المنيه
الساعدي
الى الللقاء في مساجلاتنا الرائعه





المحترف الذهبي
عضو التميز
عضو التميز

الجنس : ذكر

الحمل

عدد المساهمات : 39162

نقاط النشاط : 44019

السٌّمعَة : 161

بلد العضو :

العمر : 21


http://www.pubda3m.com/

الرجوع الى أعلى الصفحة اذهب الى الأسفل


رد: ابوذية اليوم كانت مساجله سريعه في…

مُساهمة من طرف ѕαα∂ ∂єѕιgη في السبت يوليو 25, 2015 1:39 pm


شكرآآ لك , ع الموضوعع الجميللَ >


ѕαα∂ ∂єѕιgη
بصمة خالدة
بصمة خالدة

عدد المساهمات : 37067


http://WwW.t-AlTwEr.CoM

الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف RAID ALAMDAR في الأربعاء يناير 27, 2016 8:43 pm


RAID ALAMDAR
بصمة خالدة
بصمة خالدة

الجنس : ذكر

السرطان

عدد المساهمات : 14267

نقاط النشاط : 15201

السٌّمعَة : 56

بلد العضو :

العمر : 29


الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف Mr.OuSsaMa في الخميس يناير 28, 2016 7:08 pm


Mr.OuSsaMa
نائب الإدارة

نائب الإدارة

الجنس : ذكر

نقاط التفاعل : 3 نقاط

السمك

عدد المساهمات : 17416

نقاط النشاط : 17999

السٌّمعَة : 61

بلد العضو :

العمر : 99





الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف زائر في الخميس مايو 19, 2016 9:30 pm


السلام عليكم ورحمة الله وبركاته
ألف شكر لكَ على هذا الموضوع المميز و المعلومات القيمة
إنـجاز أكثر رائــــــع
لكن أرجو منكَ عدم التوقف عند هذا الحد
مـنتظرين ابداعتــــــك
دمتـ ودام تألقـك

تحياتــي


زائر
زائر


الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف 1M ThE BesT في الخميس يوليو 07, 2016 4:19 am


1M ThE BesT
مؤسس الابداع العربي

مؤسس الابداع العربي

الجنس : ذكر

الدلو

عدد المساهمات : 25052

نقاط النشاط : 27783

السٌّمعَة : 304

بلد العضو :

العمر : 20


http://jalil.assassino

الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف Basil Abdallah في الثلاثاء نوفمبر 01, 2016 2:38 pm


شكرا لك على الطرح القيم




التوقيع


من الحقائق الثابتة أنك تستطيع أن تنجح بسرعة وبأفضل طريقة، عندما تساعد الآخرين على النجاح
   

Basil Abdallah
اشراف عام الدردشة
اشراف عام الدردشة

الجنس : ذكر

السمك

عدد المساهمات : 10577

نقاط النشاط : 11334

السٌّمعَة : 69

بلد العضو :

العمر : 21






الرجوع الى أعلى الصفحة اذهب الى الأسفل

رد: ابوذية اليوم كانت مساجله سريعه في…

مُساهمة من طرف Mr.AbDo في الثلاثاء نوفمبر 01, 2016 2:39 pm


Mr.AbDo
فريق الدردشة

فريق الدردشة

الجنس : ذكر

عدد المساهمات : 601

نقاط النشاط : 621

السٌّمعَة : 1

بلد العضو :


الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا بمنتدي الابداع العربي فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى